Coeli enarrant gloriam dei filii verbi

Folio: 
110v
Sequence: 
1
Office: 
MASS
Genre: 
Cantus ID: 
ah50267
Mode: 
1
Full text: 
Coeli enarrant gloriam dei filii verbi incarnati facti de terra coeli Haec enim gloria soli domino est congrua Nomen est cujus magni consilii angelus Istud consilium lapso homini auxilium est antiquum et profundum et verum factum solis tantum sanctis cognitum Cum angelus iste homo factus ex muliere immortalem ex mortali de terra coelum fecit ex hommine angelum Hic est dominus exercituum deus cujus sunt angeli missi in terram apostoli Quibus se ipsum vivum praebuit resurgens in multis argumentis pacem victor mortis nuntians Pax vobis ego sum inquit nolite jam timere praedicate verbum dei creaturae omni coram regibus et principibus Sicut misit me pater et ego mitto vos in mundum estote ergo prudentes sicut serpentes estote ut columbae simplices Hinc Petrus Romam apostolorum princeps adiit Paulus Graeciam ubique docens gratiam ter quatuor alii proceres in plagis terrae quatuor evangelizantes trinum et unum Andreas Jacobus uterque Philippus Bartholomaens Simon Thaddaeus Joannes Thomas et Matthaeus duodecim judices non ab uno sed in unum divisi per orbem divisos in unum colligunt In omnem terram exivit sonus eorum Et in fines orbis terrae verba eorum Quam speciosi pedes evangelizantium bona praedicantium pacem Sanguine Christi redemptis ita dicentium Sion regnabit deus tuus Qui verbo saecula fecit quod pro nobis verbum caro factum est in fine saeculorum Hoc verbum quod praedicamus Christum crucifixum qui vivit et regnat Deus in coelis Hii sunt coeli in quibus Christe habitas in quorum verbis tonas fulguras signis roras gratia Hiis dixisti rorate coeli desuper et nubes pluant justum aperiatur terra germinans Germen justum suscitat terram nostram quam apostolicis verbis serens germinare facias Quorum verbis verbum patris tenentes in patientia fructum ferre fac nos tibi domine Hii coeli quos magni consilii angelus in habitas quos non servos sed amicos appellas quibus omnia quae audisti a patre notificas In quorum divisione collectum gregem custodias indivisum et in vinculo pacis unum ut in te unum simus sicut in patre tu es unus Miserere nobis tu qui habitas rex in coelis

List of concordances