Laetamini cum Jerusalem, et exsultate in

Folio: 
004r
Sequence: 
1
Office: 
M
Genre: 
Position: 
2
Full text: 
Laetamini cum Jerusalem, et exsultate in ea, omnes qui diligitis eam; gaudete cum ea gaudio, universi qui lugetis super eam; [11] ut sugatis et repleamini ab ubere consolationis ejus, ut mulgeatis et deliciis affluatis ab omnimoda gloria ejus. [12] Quia haec dicit Dominus: Ecce ego declinabo super eam quasi fluvium pacis, et quasi torrentem inundantem gloriam gentium, quam sugetis; ad ubera portabimini, et super genua blandientur vobis. [13] Quomodo si cui mater blandiatur, ita ego consolabor vos, et in Jerusalem consolabimini. [14] Videbitis, et gaudebit cor vestrum; et ossa vestra quasi herba germinabunt; et cognoscetur manus Domini servis ejus, et indignabitur inimicis suis. [15] Quia ecce Dominus in igne veniet, et quasi turbo quadrigae ejus, reddere in indignatione furorem suum et increpationem suam in flamma ignis; [16] quia in igne Dominus dijudicabit, et in gladio suo ad omnem carnem. Gloria patri...
Notes: 
in different translation

List of concordances