Venite exsultemus Domino iubilemus Deo salutari

Folio: 
002r
Sequence: 
2
Office: 
M
Genre: 
Mode: 
6
Full text: 
Venite exsultemus Domino iubilemus Deo salutari nostro praeoccupemus faciem eius in confessione et in psalmis iubilemus ei alleluia. Quoniam Deus magnus Dominus et rex magnus super omnes deos quoniam non repellet Dominus plebem suam quia in manu eius sunt omnes fines terrae, et altitudines montium ipse conspicit alleluia. Quoniam ipsius est mare et ipse fecit illud et aridam fundaverunt manus eius venite adoremus et procidamus ante Deum ploremus coram Domino qui fecit nos quia ipse est Dominus Deus noster nos autem populus eius et oves pascuae eius alleluia. Hodie si vocem eius audieritis nolite obdurare corda vestra sicut in exacerbatione secundum diem tentationis in deserto ubi temptaverunt me patres vestri probaverunt et viderunt opera mea alleluia. Quadraginta annis proximus fui generationi huic et dixi semper hi errant corde ipsi vero non cognoverunt vias meas quibus iuravi in ira mea si introibunt in requiem meam alleluia. Gloria patri et filio et spiritui sancto sicut erat in principio et nunc et semper et in saecula saeculorum amen alleluia.

List of concordances